陳自瑤愛自己 挺胸自強


(本報訊)與視帝王浩信屢傳婚變的藝人陳自瑤(YoYo),冇人撐腰下惟有挺胸自強,以豐胸代言人身份大晒「媽咪級」好身材,由昔日B Cup變C Cup,望下一步變32D女神,不過其越級挑戰純屬自high,暗示跟老公無關。

現年37歲、育有7歲女兒的YoYo,自傳出與王浩信婚姻亮紅燈後,其事業心跟事業線明顯大躍進,昨日穿上低胸裝拋出「32C人妻」好身材現身活動,雙臂隨意一夾就營造出胸猛效果,她承認經過十多次療程後,成功由B升到C Cup,自信回來:「覺得每個女仔都想身形豐滿一點,同埋胸部線條靚一點,這個是每個女生都想要的。」她不介意自爆以往一味靠「托」製造假象:「工作需要托或者墊東西,依家好多都好Natural 。」

雖然上圍成功升一Cup,但YoYo未滿足,目標是D Cup,更得一想二,有豐胸又有健康胸:「現今女性胸部會有好多疾病,之前忽略了,但經過今次療程後,領略到可以疏通淋巴同乳腺,第一次試做時,發現有淋巴塞的問題。」

兩夫妻冇干涉工作

問到王浩信對她豐胸成功有何評語?她說:「咁呢個係我份工,冇去干涉大家工作,所以OK的。」她覺得身材好是自己受惠,不會在意別人目光。再問可會聽老公的意見?她大奏「潮州音樂」——自己顧自己:「做任何事都好,係愛自己疼自己去做,唔係因為其他人,又或者唔係要令一個人開心。」至於老公可有讚過?YoYo仍然冷冷地說:「OK啦!」

劉靜

電話本

發佈時間:2019-06-25
易搜網汽車買賣

老東方傢俱

版權所有 華人今日網