（本報訊）索爆人妻苟芸慧身穿性感Lace連身裙出席活動，大騷Big爆身材，完勝同場的陳鈺芸及麥明詩。不過影相期間，苟芸慧疑似失守露暈，工作人員即時飛身「救駕」！

苟芸慧（苟姑娘）、麥明詩及陳鈺芸（JuJu）昨日出席內衣品牌活動，正當苟姑娘風騷大晒吸睛事業線時，內搭的Lace連身裙不敵其白滑肌膚突然滑下，眼見她疑似露暈，工作人員即時上前為她整理衣服，不過她事後回覆本報時堅稱有貼乳貼。

活動上，苟姑娘自誇造型健康性感，既可當內衣，又可當外出服，如跟姊妹High Tea時穿。問老公可有送過情趣內衣？她怕醜笑說沒有：「通常都係同女仔一齊揀，老公冇咩留意，我都係揀舒服的、輕身少少，鍾意絲質。（老公鍾意咩款？）佢鍾意我鍾意的！」！問到可會挑選情趣款式？她說：「通常都係揀畀朋友、姊妹多。」

同場的麥明詩玩跌膊兼露纖腰，但都被苟姑娘徹底拋離！她笑言主要Sell睡衣的功能性：「呢件睇落都健康性感。（家裡那件睡衣性感？）要看心情同對手，例如去旅行不知同哥哥定父母睡。（如果同男友睡呢？）不要提傷心事！但如果同將來的老公睡，我會好有情趣，大膽過男仔！」