（本報訊）鍾欣潼（阿嬌）、吳千語、閻奕格等今日在灣仔出席東方影業春茗，主人家黃百鳴就三代同堂出席。吳千語大露背出席搶去好多鏡頭，閻奕格亦穿上tube dress晚裝非常隆重，不過轉身時背後有少少爆拉鏈，記者笑問是否上圍太豐滿？她答：「其實一直都係咁。」

會場放有有吳千語與阿嬌新電影《女子監獄》的poster。吳千語表示：「其實套戲都拍了一段時間，之前唔講得住，戲入面好多打架、扯頭髮場面。自己平時好少有呢一面，今次覺得自己好巴渣。」她說有重溫《監獄風雲》惡補，但對白中竟然沒有粗口！她表示：「唔知係咪電影類別問題，冇加到入對白入面，其實平時自己有需要都會講，情緒發泄都會講，沒什麼特別。」

阿嬌早前透露肥了不少，最近要勤力減肥：「開始減緊，做運動、節食，而家淨係食一餐咋。平時食7餐都得，每次都可以食晒，自己好大個胃。」好姊妹阿Sa即將進行雪卵，阿嬌之前已經完成整個雪卵程序，她回憶起過程都說好難搞：「自己之前雪都肥了廿磅，當時成個演唱會最肥，要叫醫生護士上門打針，會影響荷爾蒙，會變肥，好難搞。」她表示如果要請教心得要問容祖兒：「Joey肥都冇肥過，每人個反應都唔一樣。打完針影響荷爾蒙，又要做一連串排毒過程，又要控制飲食，要搞好耐先回復正常。」

阿嬌又講到電影《女子監獄》：「好多打鬥場面，記得有一幕群毆場口，大力得濟扯甩了個替身的假髮，本身係一個好惡的樣，但都忍唔住笑了。之後補拍番，都唔敢扯得咁大力。」