康華闖樂壇 阿佘自發免費幫手影海報


(本報訊)康華今日在尖沙嘴舉行新歌《拼火花》發佈會,在場簽約唱片公司同主持新歌首播儀式,發佈會場面熱鬧,陳煒(煒哥)、 姜皓文(黑仔)、陳慧珊、湯鎮業、阮兆祥、梁靖琪同譚小環夫婦等大批好友現身捧場,可見康華人緣非常好,搞到康華多次感動得熱淚盈眶。

康華笑言係樂壇老新人,當上歌手感覺好奇怪,邀請到咁多老友到場,真心感動,她昨晚還緊張到失眠,康華話:「呢排開工好密,拍緊四套劇,又要不停問朋友能不能來,見到咁多人來,真係好感動,估唔到自己人緣都幾好,真係要珍惜身邊的朋友。」

康華還說新歌的poster係由佘詩曼操刀,佢話:「阿佘見到我之前張海報,問我點解好似失戀咁,我話影過要好大budget,佢就問我邊日有空,然後約好crew同化妝,還件背心給我,出埋錢幫我拍,我都覺得唔好意思。」問到使唔使花上六位數字?康華話:「我唔敢問,要佢破費都唔好意思,或者之後送份貴重的禮物給她,她成日話朋友係要互相幫助。我亦都要多謝Bobby(歐陽震華),佢聽完首歌之後都給了好多意見。唔止要請大家食飯,能力範圍內做到的,我都會赴湯蹈火在所不辭。」


劉靜

電話本

發佈時間:2019-01-18
易搜網汽車買賣

老東方傢俱

版權所有 華人今日網