（本報訊）蕭正楠同黃翠如今日以情侶檔身份，在尖沙嘴出席活動揭幕禮，席上，兩人大玩遊戲，又一齊佈置聖誕樹，及後，蕭正楠獻唱《Together》時，翠如拎住男友的名牌扮粉絲。

翠如因氣管收縮而失聲，故訪問由蕭正楠代為發聲，問到係咪近排好清靜？蕭正楠笑住話：「她向來都不是很吵，只是會擘大喉嚨嗌肚餓而已！」講到翠如早前表示希望今年同蕭正楠去芬蘭睇北極光，蕭正楠表示：「我要拍劇拍到農曆新年，拍完就可以去。（翠如想今年睇？）睇下請唔請到假，我都明白睇北極光係要適合時間，否則就冇意思。」佢透露聖誕節未必陪到女友，但都會準備聖誕禮物，認真窩心，「她架車都舊，但我未送車之前，我會送個駕駛改進課程給她，pass了才送車，因為她開細車，如果架車太大，她會控制唔到。」問翠如送什麼禮物？佢好細聲咁話：「車軚！」

蕭正楠表示後日要為劇集《黃金有罪》拍一場除衫戲，所以事前要keep fit，佢話：「10日的晚餐，每餐都係兩條蕉，係黃翠如買，因為我本身肥底，現在操到有四小塊。」問到翠如失聲有冇影響工作？她說現在拍劇中，好彩這幾日只係拍打戲。