（本報訊）新婚的鄭嘉穎與陳凱琳拍拖到意大利出席時裝秀，兩人笑言抱住旅行心情，實行寓工作於娛樂！同場的衛詩雅更計劃睇騷後瘋狂購物，預備大出血，未知此行酬勞是否足夠她花費？

藝人陳凱琳與老公鄭嘉穎，偕衛詩雅和內地女星馬思純出席米蘭時裝周，兩人婚後首次以夫妻檔出席外地活動，大放恩愛閃光彈。

夠膽行天橋

嘉穎笑言抱旅行心情開工：「我沒來過米蘭，今次係新婚後第一次一齊出Trip，感覺好唔同。（想唔想做模特兒走秀？）真係沒想過喎！我之前去過巴黎睇騷，但行騷就未試過，如果有人夠膽搵我，我都會夠膽嘗試！」

至於「鄭太」陳凱琳表示除了睇騷，更造訪了品牌博物館，有另一番感受：「好榮幸他們請我過來睇騷，真係好難忘的體驗。我之前去埋博物館參觀，先發現一百年前他們係做內衣褲起家，以前去外地睇博物館都係欣賞畫作，今次係睇衫，感覺真係好唔同。」

衛詩雅「大出血」

衛詩雅就揚言將瘋狂Shopping，實行寓工作於娛樂：「今次係第一次出席米蘭時裝周活動，真係好興奮，出發前一直想要穿什麼出席活動！今次現場睇騷真係大開眼界，我都同經理人講，完秀後要給時間我去參觀古蹟之餘，仲要留時間畀我Shopping，所以都預了大出血。」