（本報訊）劉愷威老婆楊冪結婚4年幾，但近年屢傳兩公婆聚少離多而不時傳出婚變，不過兩公婆都一直否認傳聞，不過剛過去的12日，係楊冪的32歲生日，以往都會在微博祝老婆生日快樂兼放閃的劉愷威，今年未有表示，搞到又被人揣測佢倆的婚姻狀況。

這兩日大陸網上係咁傳，話劉愷威暗撻富家女Britney，更post出兩人的合照，仲貼埋網上對話，指「新歡」影合照呢張當日，就係去探劉愷威班，而爆料人post埋相，指Britney在7月時已透露劉愷威同楊冪離婚兩年。

不過爆還爆，看這位被指係新歡「Britney靜」的微博，標註自己來自英國，畢業於倫敦大學皇家霍洛威學院，現時從事金融業，而且係老闆級。她平日的生活，根據微博顯示，除了不時坐私人飛機周圍去旅行之外，還好鍾意做gym同找明星集郵。而她同劉愷威那張合照，就已經係舊年10月的事，內文則寫住「帥帥的 #劉愷威#」，就咁睇張相真係好難發現他們有什麼特殊關係，但就睇得出呢位「Britney靜」的身材非常突出。

據爆料人指，呢位「Britney靜」，7月時在微博話過劉愷威已離婚兩年，翻查番，新歡並沒有在微博回覆，而係出自另一個社交網站，但對話已刪，亦唔見佢同劉愷威合照的post，「死無對證」。