（本報訊）前華姐冠軍余思霆近日為馮盈盈有份主持的節目《#後生仔傾o下偈》擔任嘉實，二人參選同屆國際中華小姐競選，在馬來西亞比賽期間還被分配同房，余思霆大爆第3天，馮盈盈已問她：「介唔介意我在你面前除衫？」余思霆說：「跟住我就『嗯』，她有穿Bra同底褲，之後就入去沖涼。」

怎料去到第5日，馮盈盈將行動「升級」，余思霆說：「她無啦啦在我面前除晒衫，除埋Bra同底褲，我以為佢會背住我，唔係呀！佢周圍走！」並搞笑地即場以普通話問：「你有想過我的感受嗎？」馮盈盈尷尬傻笑，余思霆續說：「去到第6日，算啦！我們一齊沖涼。」馮盈盈解釋當地天氣熱才會寬衣，另一主持陸浩明即神回：「酒店有冷氣喎！」