（本報訊）柏安妮(Annie Bridgewater)在前晚播出無綫財經資訊台節目《創科導航》介紹本地及外國科技發展，講解腦電波反映人類專注力，又指現在有好多家長擔心仔女專注力，希望透過腦電波控制玩game來訓練小朋友專注力，幫助小朋友改善專注力唔夠或患過度活躍症等問題，不過癲癇症患者唔適用這個方法。

唔少網民見息影25年的柏安妮，雖然面上留下歲月痕跡，但係仍能一眼認到，坦言人都會老，自然美同內涵先最重要，慨嘆每個人都會老。

柏安妮曾演《開心樂園》、《為你鍾情》、《殺之戀》及《咖哩辣椒》等，佢本身係中、英及馬來西亞混血兒，家境富裕，後來被黃百鳴賞識，加入娛圈放棄學業，柏安妮在1985年加入新藝城，美貌驚為天人，發展順利，她只在娛圈逗留8年便離開，1993年拍畢《記得香蕉成熟時》淡出娛圈，曾做無印經理，之後改行做職業治療師，幾年前做埋臨床心理學家，現時係電子公司Playto創辦人之一，柏安妮同老公Calvin，育有兩個囡囡。