（本報訊）正當大家每晚睇緊《溏心風暴3》入面，「火姐」李司棋成日講：「我真係火都來！」的時間，你會唔會好掛住之前的「管家仔」林峰呢！

今日就係林峰的38歲生日喇！Happy Birthday to you......

離開大台後，林峰就返了大陸拍劇，一劇接一劇，真係忙到氣都有得透，就係咁，今年6月就傳過佢同「好愛、好愛、好愛、好愛、好愛、好愛、好愛」的吳千語分手，五年情玩完，當時仲話吳千語識了一個同廈門闊少林峰有番咁上下富商男友，但係兩位當事人回覆《蘋果》時，就話報道冇中生有。另一邊廂，《蘋果》就收到風，話其實他們依然愛得痴纏，千語BB仲準備明年就嫁給38歲的林峰！

咦！林峰今日就38歲生日，咁佢係咪準備同千語BB結婚呢，相信大家都要等主人家公佈先知，到時「小鳳姐」先出場都未遲。雖然生日，但林峰就冇得休息，還在大陸拍緊劇，昨日佢就在微博貼圖，見到一向「玉樹臨風」的林峰，竟然貼了一張光頭賣萌相，留言：「冷，大雪，還是要多穿一點」，見到佢睜大雙眼，O晒嘴咁話俾大家知佢好凍，真係好可愛，但對比他在香港時，好Chok咁影相，真係完全唔同，唔知大家又鍾意邊個林峰多一點呢！？

至於千語BB昨日就在fb貼了一張相，仲問大家：「我用邊隻顏色染髮好呢！」，唔知係咪準備一個新Look，同峰峰慶祝生日呢？