拍拖一年唔夠即分手 何猷君同千金Coco玩完


(本報訊)賭王四房大仔何猷亨就同舊愛「宅男女神」陳瀅國慶日睇煙花,仲睇到甜蜜蜜笑笑口望住對方,係唔係復合?兩位當事人就未有表態,大家解讀他們的身體語言吧。陳瀅昨晚就出時裝活動就春風滿面心情靚,笑笑口話同猷亨無復合無拍拖,仲係單身。

猷亨就疑似再封盤,他那個MIT數學天才細佬何猷君,就同少女標本成員袁紫橋(Coco)數數手指都拍拖就快一年,當時已火速帶女友去見四太,兩口子唔係被傳媒影到拍拖,就在Ig放閃,不過最近二人就好耐冇動靜,本報就發現猷君Ig裡的追隨者入面,unfollow了Coco,還刪走了他們的相,好似之前同大馬有米千金華倫世亞班主女Kimmy Lim分手一樣的「分手兩步曲」,而Coco就還有follow猷君,不過近月就沒有他們秀甜蜜的相,只係狂post佢一個人做運動的相。

《蘋果》就搵過猷君問點解unfollow了Coco同刪走照片,他大方直認已分手:「其實都唔使隱藏,你們都捉到,兩個人係分開了,我們係分了手。」再問佢分手了多久,同為什麼分手原因,佢就話:「我們都分開了一、兩個月,具體時間我覺得唔須要透露,就是分開了,分手原因有好多,都比較私人,同尊重女方,唔提太多,希望大家明白。」

想不到一年不夠就分手,記得舊年萬聖節仲玩cosplay扮《Suicide Squad》的小丑同小丑女,點知咁快就分手,問到邊個提出分手,猷君就表示係和平分手:「分手都可以做朋友,呢句說話係真。」再問佢點解要刪走晒所有相,佢話:「既然分開了,不應該眷戀之前回憶,所以張照片delete了,冇話邊個提出分手既,兩個人係埋一齊若然見到終點咪分開,無話邊個提出分。」最後,問到他的感情狀態,佢表示:「分了手咪回復單身狀態。」即係,何家公子鑽石筍盤又復牌了。
CoCo今早接受《蘋果》訪問時,就回覆稱:「我沒事,報道出的好巧,到今天剛好分手一個月。謝謝大家關心,我們還是朋友啦。」

劉靜

電話本

發佈時間:2017-10-14
易搜網汽車買賣

老東方傢俱

版權所有 華人今日網