（本報訊）久未在港露面的Maggie Q，早前獲善待動物組織（PeTA）選為亞太區年度風雲人物，茹素多年，且身體力行反對用皮草。07年，Maggie Q同劉德華合拍電影《三國．見龍卸甲》，成功說服監製不用動物皮毛造戲服。今年一月，Maggie Q與一眾PeTA的請願人士到多倫多Canada Goose總部門外抗議，指其外套用了郊狼的皮毛，Maggie Q要求與公司行政總裁Dani Reiss會面，商討不再在外套上加上毛皮，但遭拒絕。

今日Maggie Q再次返港，應邀到城大出席講論壇，探討全球氣候變化與環保議題。此行她將只逗留48小時，明日繼續留港出席另一活動。

Maggie Q是素食同保護動物權益佼佼者，她在台上列出數據，其中包括美國加洲鼓勵大家減少用水，因生產一磅肉，就要用250加侖水，動物農業造成巨大碳排放影響環境，她還說，即使無法改變政策，但會由自己做起，鼓勵大家食素。

Maggie又謂，自己現在還未育有小朋友，但她也十分擔心姪仔姪女，故呼籲大家為了下一代與將來，要注意環保。期間現場突然熄燈，大家都打趣謂「唔好浪費電」。

論壇完畢，友善的Maggie Q亦有停下來受訪，她稱未婚夫因為要工作，故未有同行，亦避談婚期，但無名指上戴上巨型鑽戒，佢笑得好甜好甜咁承認呢隻係結婚戒指。

這兩天最重要的環保訊息——之一，應該就是Gucci宣佈2018年起停產皮草衣飾，Gucci行政總裁Marco Bizzarri也說，皮草已經過時了。Gucci是繼Giorgio Armani、Calvin Klein、Ralph Lauren、HUGO BOSS及Yoox Net-a-Porter後另一大品牌向皮草說「不」。

Maggie Q笑言：「我好興奮，呢個係一個好開始，但求做起呢件事，可以影響成個行業。」又稱：「大家都要想下，每日食的東西係為自己定係為環境。」如何影響身邊人一齊支持綠色生活？Maggie Q就笑言：「個個人都不同喎！」

咁耐冇返來，Maggie Q好客氣咁話香港對她來講好有意義，因為最好的朋友都在這裡，她又稱一直都有香港同大陸的片商俾劇本佢，都由公司代接洽。咁傾唔傾得成？Maggie Q話依家在美國拍劇時間好長，接下來又開拍Season 2，檔期比較難夾。咁如果成龍親自找她，會否拍得成？佢笑得好開心咁話：「我成日都有機會見到佢。佢都有新戲上，我都以佢為傲。」但佢話最想拍的題材有三種，分別係環保、人權同動物。